變臉之《迷》! 簡淑兒五年進化史

女大十八變,即刻變靚又得,隔返五年先至變靚亦得,得咗!講緊嘅係呢期人氣急升嘅學生妹女神 簡淑兒 ,佢喺大台劇《迷》扮田蕊妮女兒,學生妹look又pure又true。但唔講唔知,簡淑兒其實12年美國回流選港姐,不過其貌不揚頭圈已經被淘汰。不過今時今日鼻又高咗、眼又大咗、面又尖咗、連人都後生埋,以一對腰果眼殺入電視圈,榮升新一代女神。所以話變變變生命力,真係好神奇呀!

簡淑兒:我以前只係黑同肥

唔止眼耳口鼻連面形都變埋,27歲簡淑兒口才同應對記者EQ一樣進化。其實整容傳聞由16年加入《愛回家之八時入席》出演秘書仔時就傳到㷫烚烚,當時簡淑兒經已反客為主,自post 11年回流前美國留學舊照,自嘲曾經又肥又黑、再自嘲EQ差、話傳媒專揀妝頭出事的相片對比,水蛇春咁長hashtags,曲線自辯係女大十八變唔係整容囉!

真面目判若兩人

隨着新劇學生妹樣靚身材正,簡淑兒整容疑雲再成城中熱話。本刊獲得一批12年香港小姐競選官方照,當年簡淑兒二十強不入,一早做咗炮灰。係同屆黃心穎、朱千雪、湯洛雯等太高質,還是簡淑兒方面、細眼、扁鼻實力差太遠?雖然話女大十八變啫,點解事隔五年冇人話心穎BB同千雪BB變咗樣既?又點解可以變變下變咗撞埋Baby樣呢?呢個先至係真正既《謎》!

愈大愈靚

事隔五年面目全非,愈大愈靚,簡淑兒就曾經解釋係當初官方妝頭出事喎!

五年進化史

12年:面型尖咗,個鼻直咗,不過本來輪廓仲喺度,當年仲有小小似張慧儀。

13年:明顯下巴更尖,鼻型筆直,對眼都比選港姐時圓咗又深咗。

14年 多咗大眼仔美化對眼,不過明顯雙眼又大又圓,已見腰果眼初型。

16年:間尺鼻成型、嘴唇突然飽滿,角度突登低抄,其實拍埋一齊邊個係Baby,邊個係簡淑兒已經好難分!

16年:進化成功再加埋全新化妝,簡淑兒連pose表情都有意無意以Baby為藍本,正式變身成為新一代女神。

更多有趣文章:
1. ◤U Mobile booKu有奖送❤◢ 马上参加就免费送你『iPhone 7』+ 多份『booKu优惠卷』等你来赢取 ㄟ(≧∀≦ㄟ) 只要完成几个简单步骤,这些『大奖』就非“U”莫属啦~

2. ◤洗衣必知 の 3 个常识!◢ 如果你发现衣服越洗越髒,因为你犯這3个错误…..唉哟!那么多年都白洗了~难怪衣服都不耐穿(╥﹏╥)

来源: 东方新地


Like Rojaklah Facebook!不出门也能知天下事~~

Comments

comments