《巨輪II》昨晚劇情講到威信(蕭正楠)同哥哥天生(陳展鵬)終於到咗沖繩，威信於機上夢見女神高伊娜(陳凱琳)！雖然陳凱琳嘅出場肯定會引來更多話題，但昨晚焦點反而係劉思希演嘅琳琳再次驚現佛地魔鼻，囧樣重現！

狂晒佛地魔鼻

琳琳重遇好友飛哥(阮兆祥)，又驚又喜表情七情上面！不過最搶眼都係明顯大細鼻窿嘅佛地魔鼻，而且雖然佢演技同樣貌備受抨擊，網民狂插佢膠樣戲屎，但佢劇中經常側頭以七三面示人，真係對自己個look好有自信喎！

網民惡搞爆笑圖

由於劉思希個鼻實在太特別，網民曾將佢製成多張惡搞圖輯，尤其同佛地魔合照，睇落真係好似一家人喎！

選美前後兩個樣

劉思希為2011年落選港姐，當時其硬膠面、間尺鼻最多人談論，在多個討論區洗版怒插，更有網民摷出選美前扁鼻闊臉相，真係判若兩人！

唔怕驗佛地魔鼻

除了被指選美前後樣貌大不同外，劉思希又被讀者爆曾光顧上海整容醫院變臉失敗，搞到現時出現大細鼻窿兼硬膠面的情況。而劉思希強調天生大細鼻窿，膠面係衰貪心搽得太厚粉所致！劉思希之前接受本刊訪問時，表示唔怕驗鼻同驗胸，仲提議大力揑，「你大力啲揑吓，唔怕㗎，我成日都叫人揑，真嘢唔怕驗。」雖然由鼻樑揑到鼻頭，感覺無異，但事實上記者唔係整容鑑定專家，根本唔識點分有無整過！

来源: New Monday