Categories:
娱乐
◤他们真的在一起❤◢ 老友踢爆现实中的龙成虎同柯德莉拍拖了!? Sweet到似糖黐豆，伍允龙还po甜蜜照上IG！
伍允龍同劉佩玥呢對緋聞情侶，戀情傳足1年，雖然人前人後都被影到似糖黐豆咁sweet，但兩人仍然唔肯認拍拖，強調只係好好好朋友，硬係要懶神秘！不過日前Jessica C.唔知有心定無意，將伍允龍帶埋劉佩玥出席老友聚會嘅相放上Ig，間接踢爆兩人親密關係！仲好啦，以後可以光明正大囉！
日前伍允龍約埋安志傑Jessica C.一家，與及另外一家圈外朋友聚會，伍允龍刻意冇擺大合照上ig，淨係放咗兩張佢同小朋友玩嘅相，而非常熱愛玩社交網嘅劉佩玥更對呢個gathering絕口不提，相都冇張！偏偏Jessica C.失驚無神公開大合照，踢爆伍允龍原來帶埋劉佩玥參加自己班老友嘅party，佢兩個係緋聞定真情侶，心照啦！
其實兩人之前錄影TVB節目《我愛香港》時，已經俾成班主持迫供，伍允龍仲有意無意透露戀情，講笑話自己晌劉佩玥屋企過夜！前排二人孖住接受訪問，伍允龍表示好享受依家嘅關係，而阿Moon就大讚男友值得信賴！講到咁出面，睇嚟好快會公開啦！
来源：东方新天地
Recent Posts
全网疯玩！AI「可爱大头照」突爆红⚡只需3步骤就能秒变身！
最近，社交媒体掀起一股AI照片新玩法！只要上传一张自拍，就能把普通照片变成超写实的「可爱大头照」，瞬间变身大头小身体的迷你版自己！
5 hours ago
MailerLite Signup Form
订阅
