有追看《果欄中的江湖大嫂》的一定知道，在Kent哥（李天翔飾）身邊的兩位打手，一個是被馮盈盈連摑10巴的高B（衛志豪飾），另一個則是牛高馬大，Skin head造型的惡漢，Johnny仔。

他就是２７歲的譚坤倫Alan，原來是４０吋胸肌、８嚿腹肌的猛男。

▲無論胸肌、腹肌、背肌，譚坤倫都下過苦功，肌肉從來都唔呃人，有冇苦練過一睇就知。

其實譚坤倫本身有武術底，2011年參加無綫《功夫新星》入行，亦在嵩山少林寺中心武術學校受訓，學中國功夫講求靈活性，所以譚坤倫入行時，不是爆肌，更有少少排骨仔，不過自從張家輝在《激戰》後，唔知點解所有男星都要操大隻，譚坤倫亦不例外，看他ig的紀錄，應該在３年前開始爆肌，上年已經開始有成績，最可惜在《果》劇無機會除衫，如果佢被派到做果欄嗰邊，跟黃浩然咁就好喇，至少都會見到佢隻麒麟臂。

▲譚坤倫未瘋狂做gym前，未至於排骨仔，但梗係而家型好多啦。

不過大隻係有市，譚坤倫除了《果》劇外，事業亦開始上升軌，最近在新劇《包青天再起風雲》入面飾演開封七子之一，不過又係包到實，希望監製醒目，俾場爆衫戲這位年青人，不過古裝真係好少機會除衫，除非出浴戲啫……

图文来自: hk01

Like Rojaklah Facebook！不出门也能知天下事～

Like Rojaklah TV Facebook！随时观看Video，给你Happy给你FUN❤