TVB无綫热播剧《平安谷之诡谷传说》话咁快听晚就大结局，唔少观众都知道今晚第19集会有徐荣饰演的山贼杀入平安谷，而原来徐荣同平安谷唔少人都曾有过段段恩怨情仇，同郑子诚、韦家雄、朱晨丽同简淑儿等人都有关係。其中最爆都係简淑儿，佢竟然係徐荣个外孙女？郑子诚係徐荣女婿？

《平安谷》剧情预告

《平安谷之诡谷传说》今晚嚟到大结局前最后一集，剧情主要讲到徐荣饰演的山贼终于出场，佢喺阮兆祥帮助下入侵平安谷，之后徐荣等人大闹一番，喺村民面前羞辱同鞭打村长刘江，仲叫手下非礼陈凯琳及其他(靓)女村民！

村长刘江平时大晒恶晒，不过今晚就会被徐荣玩到残，徐荣之后更癫到逼黄浩然斩刘江隻手！究竟会最后会点呢？

平安谷上上下下都俾班山贼玩死！成班女人要变晒舞女…

韦家雄係徐荣旧部

不过原来徐荣同平安谷唔少人都曾有过段段恩怨情仇，其中担任保甲的韦家雄，当年係同徐荣属同一个组织，但韦家雄觉得徐荣残暴不仁，于是离开组织去到平安谷生活。

朱晨丽救过徐荣

另一个关係人物係朱晨丽。原来当年朱晨丽做歌女时曾救过徐荣一命，所以徐荣入谷亦待佢不薄；而被关进牢房的朱晨丽，亦恳求徐荣唔好打平安谷妇女主意！

简淑儿係徐荣外孙女？

不过讲到最惊喜一定係简淑儿，原来佢其实係徐荣的外孙女！话说简淑儿爸爸郑子诚当年同徐荣个女私奔，而在妻子死后，郑子诚就改头换面躲在平安谷。之前一集郑子诚兽父上身，对个女虎视眈眈，今晚就会被徐荣打至半死！

资料来源：东方新地

Like Rojaklah Facebook！不出门也能知天下事～

Like Rojaklah TV Facebook！随时观看Video，给你Happy给你FUN❤