自從謝霆鋒現身叱咤唱《活著VIVA》之後,個個都等住佢回歸樂壇Rock n Roll,不過就未咁快有得聽,所以大家不妨轉台睇住Chef Le Mon先。今集《鋒味》本身就請咗台灣Hip-hop歌手潘瑋柏做嘉賓,可惜佢因為肺炎嚟唔度,就改由師妹阿嬌(鍾欣潼)同阿嬌個姊妹賭王千金何超蓮頂上參加,今次仲係何超蓮嘅處女秀,第一次返內地玩真人騷,都算畀足面Chef Le Mon,霆鋒自己都大讚佢哋夠義氣!

霆鋒自己都大讚阿嬌同超蓮夠義氣!(網上截圖)

超蓮號稱「全球最索千金」,同阿嬌拍埋一齊都唔會比下去,今次肯上節目唔通係想學何猷君咁一齊賺吓人氣,之前猷君先後上咗大陸節目《最強大腦之燃燒吧大腦》、《王者出擊》、《愛的時差》,因為有錢、靚仔又聰明嘅關係,短短一個月就成為內地女仔心目中嘅「國民老公」。

但今次超蓮同猷君就顯得有啲輸蝕,佢喺節目度宣傳自己個慈善活動「Smile with Us HK」,面對住一班廚師學徒做個小分享:「這次來其實想談一下大家的夢想,我的職業不是廚師,我知道你們很辛苦,要幹很久的活,我也有一個夢想,就是一起微笑(慈善活動「Smile with Us HK」)」鏡頭一轉影住班學徒,唔知佢哋係咪知道超蓮係賭王千金嘅身份,個個都笑而不語咁嘅樣。之後霆鋒就派咗超蓮去一間餐廳度拎住位先,超蓮去到門口拎位,門口個知客同佢講大概要等26張檯,要30分鐘度,超蓮聽到即刻呻苦:「慘了,要等很久了。」相信超蓮平時食飯都好少有等位嘅經驗。

来源:hko1


Like Rojaklah Facebook!不出门也能知天下事~

Like Rojaklah TV Facebook!随时观看Video,给你Happy给你FUN❤

Comments

comments