TVB剧集《性在有情》热播中，套剧因为意识大胆加上情节搞笑而引起讨论。喺最新一集入面，饰演社工嘅张兆辉更加为咗帮饰演性上瘾患者嘅王君馨，而不惜牺牲色相，唔止畀女方迷晕，仲被锁上手铐，搞到差啲失身添！

一开始，张兆辉为咗做饵，去酒吧扮同王君馨偶遇，专登话自己同老婆闹咗交，仲性暗示咁话：「我存咗好多子弹」，令到着上低胸爆乳装嘅王君馨终于把持唔住，出手带佢去开房！

上到酒店房，王君馨趁张兆辉唔为意，喺佢杯酒度落药！唔知情嘅张兆辉饮完冇几耐，就晕到瞓喺地上，连王君馨扣上手铐都冇力反抗。之后，张兆辉双手被手铐锁咗喺床头，而王君馨就慢慢擒上佢身上，逐粒衫钮咁解开，仲攞出刀片准备自残，好彩张兆辉用力反抗，先成功制服王君馨！

唔少网民都大讚53岁嘅张兆辉Keep得好好，就算同细22年嘅王君馨上演肉搏戏都依然毫无违和感！亦有网友指床戏一集比一集激，先有张兆辉同陈敏之开房，依家仲玩埋SM情节，真係挑战电视尺度嘅极限！除咗张兆辉，剧中饰演陈敏之妹妹嘅港姐陈华鑫备受关注，大部分网民都指佢样靓身材好，力捧佢做新一代女神！

资料来源：hk.on.cc

Like Rojaklah Facebook！不出门也能知天下事～

Like Rojaklah TV Facebook！随时观看Video，给你Happy给你FUN❤