《燦爛的外母》一眾演員出席宣傳活動。（張嘉敏攝）

姚子羚與林嘉華於無綫劇集《燦爛的外母》中飾演一對，更有咀嘴戲份，有網民直指60歲的嘉華哥與36歲的子羚相差24歲，對於兩人演情侶感到驚驚和難接受。這日嘉華哥與子羚出席該劇的宣傳活動，對於網民的評論，嘉華哥說：「你覺得望落去有相差咁多咩？在戲入面我的角色年紀比真實是低些，而子羚的年紀就比真實高些，她是個好保護人，有操控狂的女仔，她嫌前度太孩子氣，所以鍾意成熟些的男人，於是揀咗我。如果我這個角色找個後生啲演員來做，反而真實感會不夠強，我個年紀切合到劇中的角色。同埋我覺得相距年紀大細不是一個點，次次都找差不多年紀的人演情侶，觀眾也會嫌無新鮮感，要有些新組合，希望網民同觀眾都會接受我們這一對。」

姚子羚與林嘉華希望觀眾和網民接受他們這一對。（張嘉敏攝）

之前在某電視劇飾演90歲的老人，花了4小時的老妝

子羚亦十分同意嘉華哥的講法，她說：「乜有相差24年咩？大家可以以不同的心態去睇，做演員亦要演繹不同的角色，我不是媽咪但都演過媽咪，要投入劇中的角色。而且監製搵得我去演這個角色，應是相信我處理得到，我的角色嫌前度吊兒郎當不進取，到遇上嘉華哥個角色，我才知道原來自己可以放低咁強嘅外殼，嘉華哥好能夠切合到個角色。我哋在戲中kiss都是正常發展，也不是太多這些戲份，希望觀眾會接受我哋，以不同角度去睇，現實生活都有年紀差距大的人拍拖，套劇反映到現實。」

嘉華仲係同當年一樣咁有型，而林太亦都沒有走樣。（張嘉敏攝）

来源: hk01

Like 玩嘢兄弟团 Facebook！带大家玩翻全马high翻天～❤》请点我！

Like Rojaklah Facebook！不出门也能知天下事～～》请点我！