▲袁偉豪係港姐殺手！

36歲的袁偉豪（Ben）港男出身，一直被指最愛冧港姐的他，自去年與拍拖約三年的前港姐岑杏賢分手後，雖然Ben表現癡心，多次表示希望與女友重修舊好，奈何岑杏賢去意已決，覆水難收！不過甩拖多個月的Ben，最近感情已有着落，今年5月他和楊明以及同是港姐出身、現年25歲的張寶兒（Bowie），拉隊遠赴坦桑尼亞拍攝無綫熱播的旅遊節目《打工捱世界Ⅱ》時，兩人一撻即着！

▲拍《打工捱世界Ⅱ》時，日對夜對，所以撻着咗！

日對夜對愛出火花

據悉家境富貴的Bowie，曾承認有位拍拖多年，感情穩定的男友Jonathan，但兩人於去年8月慶祝拍拖七年後，未幾已分手，回復單身的她於拍攝《打工捱世界Ⅱ》時，重遇去年參選港姐時已「種下情根」，「欽點」她演出旅遊節目的Ben時，兩人可謂一拍即合，日對夜對下Ben與Bowie火速撻着，熱戀中的兩人，回港後更多次被目擊單獨約會，雙雙撐枱腳。

愛得低調怕刺激岑杏賢

不過Ben為免觸動舊愛岑杏賢的神經，一直堅持戀情低調處理，對拍拖一事未有張揚，反而與Ben拍拖後的Bowie，心情大靚之餘，沐浴愛河的她更不時於社交網放閃，6月時她便把社交網的封面相片，換上了她與Ben去年出席港姐活動時的「定情合照」，其後她又上載與Ben於非洲拍攝時的合照，並冧爆留言：「每次翻開相簿都很想念非洲大草原的日子。」

▲社交網個封面相，仲換埋佢哋兩個嘅合照。

座駕泊埋「晒愛」

而日前熱戀中「B & B」，Ben及Bowie分別在電視城開工，雖然當時停車場有不少車位，但兩人的座駕亦泊在一起「晒愛」。至於最近不時要於內地開工的Ben，日前難得回港，見他驅車前往尖沙咀，會合了一名男友人後齊齊行街置新裝，難道是買定靚衫與Bowie拍拖？

▲張寶兒同拍拖七年嘅男朋友分咗手。

▲張寶兒家境唔錯㗎！

▲袁偉豪依家愛得低調，就係怕刺激到舊愛岑杏賢（左）。（資料圖片）

▲兩架車泊埋一齊放閃！

▲袁偉豪去咗置裝，買靚衫見女友？

▲仲去咗超市買嘢。

来源: on.cc

Like 玩嘢兄弟团 Facebook！带大家玩翻全马high翻天～❤》请点我！

Like Rojaklah Facebook！不出门也能知天下事～～》请点我！