正呀喂！有宅男女神孫慧雪嘅靚靚寫真睇呀！不過今次唔係佢水着寫真，而係佢嘅大肚寫真，呢輯相真係靚到不得了，佢仲要摸摸巨肚，母愛出晒嚟，仲好有仙氣添！

▲雪雪好正呀！

雪雪接受東網訪問時話，呢輯相係簡幗儀（Lilian Kan）影嘅，雪雪仲讚成件事好fancy，而且衫同場地都係Lilian準備，真係勁有心！雪雪話：「之前諗過大肚時，就會搵Lilian影，呢排好多人話，佗到26周會好辛苦，但我就唔係好辛苦，真係好感恩，係條腰痛囉，BB係大Size，預產期係8月，依家好畀心機去睇資料，等生時冇咁緊張！仲諗緊上唔上生分娩球班，啲人話生嘅時候度數易開啲，易生啲，做足準備！」

▲個肚好大呀！

▲仲好夢幻！

雪雪又話影呢輯相時心情好得意，因為未試過大住肚擺pose，唔知點樣擺，但好彩攝影師教點擺pose！而當日好姊妹劉佩玥都有去幫手，雪雪仲話好感動添！問雪雪睇番啲相有咩感覺？雪雪話：「自己睇覺得好肥嘟嘟，不過都好開心，好得意，Lilian啲嘢好夢幻，真係好多謝佢呀！」

▲雪雪話自己肥喎，都唔係吖！

▲呢輯相，係簡幗儀（右）操刀㗎！

▲劉佩玥（右）當日都有幫手！

来源: on.cc

Like 玩嘢兄弟团 Facebook！带大家玩翻全马high翻天～❤》请点我!

Like Rojaklah Facebook！不出门也能知天下事～～》请点我!