上星期有傳媒踢爆陳展鵬同落選港姐單文柔上山頂開餐。男方事後撇清同緋聞女友胡定欣的關係，指二人從來沒拍拖。又處處維護單文柔，向傳媒表示女方是他的Stylist，免費為他設計登台造型。可惜未夠一個禮拜，再被傳媒踢爆二人上山頂前其實先到九龍灣Mega Box睇傢俬，期間陳展鵬輕撫女方纖腰，又不時甜笑，似足一對情侶。報道更引述陳身邊人爆料，指二人已經發展至同居關係。

事發於上週三（15/3）二人上山頂前，大約晚上9時左右，陳展鵬孖單文柔到九龍灣Mega Box宜家買傢俬，二人先揀選窗簾，再仔細研究一款層架，單文柔落力俾意見層架該如何擺放，似乎對陳展鵬的住所瞭如指掌。二人行到一個僻靜處，陳展鵬更將手搭在單文柔的纖腰上，關係看來非比尋常。二人付款後，齊齊搭落停車場攞車，女方更以一副超冧的表情望向陳展鵬，猶如一對熱戀中的情侶。

報道指有陳展鵬的身邊人透露，由於陳展鵬和單文柔都是與家人同住，為了多點時間親近，陳特地租了一個單位供女方居住，二人世界都方便啲。估計今次行宜家是為了添置傢俬，佈置二人的愛巢。

Like Rojaklah Facebook！不出门也能知天下事～～❤

来源：popnews