身边女伴向来如走马灯的 陈冠希 (Edison),自与台湾女友Ann分手後,去年高调与内地超模秦舒培拍拖。今日有报道指,秦舒培去年中原来已经陀B,BB下个月就出世!而就快做爸爸的Edison,据知佢最近推晒所有内地酒吧骚,留喺美国洛杉矶陪女友待产!

那些年的坏孩子  

Edison多年来身边不乏女伴,绯闻女友多不胜数,佢早年与台湾女友Ann感情稳定,可惜最终都系逃唔过分手结局,2014年各散东西。

搭上人妻  

不过 陈冠希 去年就爆与现年26岁的内地超模人妻秦舒培当众调情,其後两人高调认爱,但对方老公丶华谊时尚高层赵磊却指两人并未离婚,闹出一场男方偷食人妻丶女方出轨的风波。拖拉一段时间後,秦舒培与赵磊终在去年底办妥离婚手续。

网上爆粗闹林志玲  

去年七月时,Edison突然喺微博上载台湾名模林志玲(Chiling) 的相片,然後留言用英文破口大骂。佢先话Chiling系八婆,然後话对方好丑样,仲有闻起来好像粪便;之後又话Chiling唔系真正的演员及超模,更暗示对方曾进行过不道德交易!

後来有说法指Edison不满Chiling疑似喺某节目中与秦舒培争job,於是喺网上霸气护短,可见佢有几紧张女友!但最後事件似乎与Chiling无关,於是Edison就被网民狂轰恰女人!

女友大肚 美国筑2千万爱巢  

Edison与秦舒培爱得轰烈,今日有报道指女方原来去年中已怀孕,预产期为下个月,Edison即将做爸爸啦!佢亦随即停晒所有内地酒吧骚,留喺美国陪女友待产。  

陈冠希 去年八月斥资285万美元(约2,200万港元), 喺美国洛杉矶买下一个五房连泳池的豪宅,作为与女友的爱巢。据知新爱巢位於洛杉矶Hollywood,距离市中心不远,客饭厅厨房都采用开放式设计,连浴室都完全无遮无掩!符合晒Edison的鬼仔性格。

修心养性  

陈冠希 以前一向系无脚雀仔,从来冇女仔可以箍得住佢,同台湾前度Ann分手都系因为被对方发现与其他女性有暧昧关系。但自从遇上秦舒培後就修心养性,连婚姻观念都改变埋!因为Edison身边朋友都知道,佢以前讲到明唔会结婚,亦唔锺意小朋友。所以今次Edison准备做爸爸,大家都好惊讶!  

不过点都好啦,小编真系恭喜佢呀!

资料来源:Next Monday


Like Rojaklah Facebook!不出门也能知天下事~

Comments

comments