現年25歲大台「人肉發電機」蔡思貝，同狂舞派「舞術指導」麥秋成拍拖期間，每逢拍新劇，例牌傳出暗撻劇中小生或奀星，更試過深夜上周志文屋企過夜，最終麥秋成忍無可忍，怒斬情絲，舊年12月喺Ig貼文，暗示同蔡思貝結束兩年情。

「甩拖」蔡思貝，表面話會將工作放喺首位，感情事放埋一邊。但今日有報道指蔡思貝拍新劇《踩過界》期間，又向同劇嘅張振朗發功，兩人開工收工儼如糖黐豆黐到實，又經常喺片場眉來眼去狂過電，一有空檔就會匿埋一邊玩到癲，若然係事實，「被分手」嘅蔡思貝似乎復元都好快吓！

不過咁，今年29歲、有翻版「Cool魔」之稱嘅張振朗，被爆已經有個「咪神」女友陳芷尤，雖然張振朗死口唔認，不過陳芷尤早已被公認係男方正印，如今忽然殺出個蔡思貝，「姣精」VS「咪神」，呢場惡戰應該幾有睇頭！
而今日張振朗就回覆傳媒話：「唔係報導咁寫，我同佢都冇嘢，就好似兄弟咁。」
Like Rojaklah Facebook！不出门也能知天下事》请点我

来源：hkapple