王菲同謝霆鋒喺14年世紀復合後，同年阿菲嚟香港會霆鋒時，都帶埋竇靖童嚟，俾機會佢哋相處，之後童童接受《蘋果》專訪時，被問到會唔會接受霆鋒做佢後父，童童當時都話只要媽媽開心就好，明顯對霆鋒係開晒綠燈。

而童童對霆鋒，並唔係只係得把口嘅喜歡，日前就有大陸嘅傳媒影到正喺北京嘅童童，去探望同樣正在北京拍攝《十二道鋒味》嘅霆鋒喇！當日，霆鋒正在錄影《十二道鋒味》，休息期間，霆鋒就走出錄影棚，係戶外抽雪茄，冇幾耐，就有一位短髮女子走過去搵霆鋒，佢哋仲好熱情咁攬作一團，原來佢就係童童。

當時見到霆鋒同童童都傾得好開心，睇嚟佢哋關係都唔錯，之後童童就同霆鋒邊吸煙邊傾偈，好似有講唔盡嘅話題咁，無他嘅，童童同霆鋒都係愛音樂嘅人，有相同嗜好，啱傾都係好自然嘅事，睇嚟阿菲都真係安樂晒囉！

Like Rojaklah Facebook！不出门也能知天下事～～❤

来源：苹果日报