Categories:
娱乐
◤TVB最轰动の『大龙凤』◢ 2004年杨怡同胡定欣争吴卓羲搞到反面，没想杨怡baby竟然请她还……真系戏剧化！
結婚係人生大事，請得去飲嘅多數係親戚朋友或者好姊妹，除非想晒命，否則正常人都唔會請個仇人嚟飲自己餐喜酒啦！話說即將於10月2號擺酒嘅楊怡，近期開始周圍派帖派餅，吳卓羲馬浚偉等係楊怡老死，收到帖當然唔出奇，奇就奇在盛傳同楊怡積怨12年嘅胡定欣都收到！難得兩個識於微時又齊齊上到位做視后，楊怡仲做埋幸福人妻，有咩恩怨都當粉筆字抹咗去啦！
同期出道嘅楊怡同定欣曾經係好姊妹，據知定欣當年經常約埋對方上自己媽咪間美容院做facial，又成日孖公仔去街，不過04年拍《大唐雙龍傳》時傳出兩人爭吳卓羲搞到反晒面，加上之後定欣同馬國明分手，令身為馬明好友嘅楊怡對定欣更不滿！10年台慶頒獎禮，兩人被影到撞膊互藐，不和到出晒面！
12年幾乎除公事外不相往來，但今年楊怡同羅仲謙結婚，將於下月2日擺酒，阿怡亦不計前嫌，大方請埋定欣去飲；而定欣收到帖後，日前亦公開祝福楊怡同謙謙，更回憶起十幾年前曾經一齊落住雨去沙灘玩水，似乎感觸良多！今時今日定欣已達視后級，楊怡又離巢外闖，事業上兩人唔再係對手，更唔會再爭仔，係時候握握手做番好朋友啦！
来源：东方新天地
Recent Posts
完全不用转车！KL Sentral ⇌ Hat Yai直达火车⚡单程只要RM67！出发日期「落在9月份」！
最近计划去Hatyai玩的朋友们，看过来！想来一趟说走就走的小旅行，现在就有好康啦！
2 hours ago
MailerLite Signup Form
订阅
