洪永城同唐詩詠拍拖3年，雖然外界一直唔睇好，亦曾傳出洪永城偷食蔡思貝，但兩人感情反而越趨穩定，早前有傳兩人已去到同居階段，更一齊去西半山睇樓！

唐詩詠同洪永城打風打唔甩，難為契哥馬國明又要繼續食自己！日前馬明同洪永城一齊出騷，兩個一人一句互窒，盲嘅都知不和！提到活動酬勞，馬明勁寸話對方收得貴，仲踢爆依家人人叫洪永城做「一哥」；而洪永城都不甘示弱，晌情敵面前自爆同唐詩詠嘅sweet事，又話會分番今次酬勞俾女友，搞到馬明勁葡萄！

不過馬明把口點寸都冇用，爭贏嘅始終係洪永城！所以佢近期都好風騷，除咗出席月餅活動時俾周秀娜餵食，同黃翠如、黃浩然拍新劇《我瞞結婚了》時仲萬歲請劇組食糖水，等全世界都分享下佢同唐詩詠有幾甜！