張彥博同孫慧雪，呢兩個名字都可算係近日娛樂圈最火紅，相信冇人會唔認識！先講講張彥博，佢喺無綫熱播劇《一屋老友記》飾演廢青細寶，長得一副可愛童顏而且演技不俗，備受觀眾認同，人氣急升！至於阿雪就無須多講，樣靚身材正的她趁入行十周年，推出第一本亦係最後一本寫真集《Once》，人氣一時無兩！咁點解小編會將細寶阿雪放埋一齊呢？因為原來佢哋係中學師兄妹嚟！

日前阿雪同張彥博都喺IG上載合照，自爆兩人其實係中學師兄妹關係，阿雪就留言話︰「我哋係中學嘅師兄妹，十年後，我哋同一間公司，今日，終於一齊拍攝，感覺好特別」原來佢哋中學時期都係喺小西灣衛理中學讀書，仲要兩人都咁童顏，實在難得！

網民唔單止讚兩人keep得好，仲話佢哋真係好襯！會唔會考慮演一對凍齡情侶？

張彥博雖然今年10月就36歲，但天生長得一副俊俏baby face，有人話佢似張敬軒有人話激似小豬羅志祥，總之都係靚仔啦。《一屋老友記》中細寶的角色設定為25歲的無業青年，張彥博演得入木三分，嗰種反叛與不成熟感相當自然，難怪觀眾大喜！