洪永城與唐詩詠早已是公開的一對，早前女方生日，兩人就齊齊去台北甜蜜慶祝；之後又被影到到半山睇樓，疑似係想早日築愛巢。不過兩人拍拖一年半以來經歷不少風雨，永城曾被指與新一代姣精蔡思貝關係匪淺，又被傳與舊愛Bird Tse重燃愛火；而詩詠契哥馬國明對契妹亦似乎唔係兄妹情咁簡單，總之好複雜！

其實詩詠貴為「不能錯過的女友」，除了基本樣靚身材正外，用情專一又慳家又識做生意，優點一大堆，多人鍾意都好正常啫！就連出曬名的「圈中筍盤」馬明亦不例外，對詩詠情有獨鍾，而且馬明乖仔形象比花弗永城好得多，唔少人都話想馬明詩詠係一對！

拍攝節目《有乜好過去Camping》時，馬明就全程痴實契妹詩詠，兩人形影不離，搞到同行的梁烈唯話自己好似變咗電燈膽！

馬明今日出席劇集《賭城群英會》宣傳活動時，透過本刊FB專頁開live與網民交流，唔少網民都留言提到詩詠！馬明亦直言唐詩詠好好。而被問到鍾唔鍾意詩詠呢類斯文乖巧的女仔，馬明就直認係鍾意！佢話好似詩詠呢類斯斯文文的女仔，大部分男仔都會鍾意。

最後馬明仲寄語城城(洪永城)要好好珍惜詩詠！但講完之後，佢隨即擠出一個苦笑……

来源：cocomy