宋仲基同宋慧喬合演韓國神劇《太陽的後裔》熱爆中韓兩地，而宋仲基更憑此劇榮登新一代男神！螢幕前就被捧到上天，現實中宋仲基從小讀書好叻兼好有愛心，真‧完美男神當之無愧！

1.資優校草

宋仲基原來係資優高材生，畢業自韓國排名前三的成均館大學、明星科系經營管理學系，當年高考以全國前十的優異成績考取。韓國有電視節目曾公開他的高三成績單，每一個科目都攞A！學生時代的他品學兼優，更曾是速滑選手，參加過全國大賽，但後來因傷退役。當年在成均館大學讀企管學系時，副修新聞放送，成為大學電視台主播，更不時登上校刊封面，被譽為成大校草！

2.熱心公益

宋仲基除了忙於拍劇，亦經常參與公益慈善活動！因為韓國白血病兒童基金會嘅公布，大家先知道佢自2011年起連續五年捐款俾兒童癌症患者，至今已幫助超過10名小朋友接受完整治療！而於尼泊爾大地震期間，男神也曾捐出一億韓圓(約$66萬港元)給聯合國基金會。這些善行佢本人非常低調、完全不願曝光，只有佢經理人公司出來替佢承認確有此事。

當然，男神並不止關心小朋友，更好喜歡小動物，特別是狗狗！

3.護膚達人

宋仲基平時好貪靚，因此經常研究護膚心得，2011年更曾出過美容書！書中分享佢對清潔有多重視，單係潔膚步驟就有六個之多，更推薦女性朋友教另一半如何學習護膚知識，非常實用。

4.富內涵的男神

與宋仲基合作過的女明星，大部分均稱讚：「在拍攝過程中，宋仲基總是很努力。本以為他年紀輕、社會經驗不豐富，但實際上在待人處世方面非常有禮，才藝也很多。雖然長得非常漂亮，但內心是真正的男人。」就連宋慧喬都大讚他是一個很有內涵的男人！

5.專業刻苦

宋仲基曾經表示，自己的格言是「輸了就不能活」，在拍攝《太陽的後裔》期間，曾因為一場動作戲，導致佢手臂骨折、右膝韌帶撕裂，當時的情況就算中斷拍攝都不過分，但宋仲基仍堅持帶傷上陣，態度專業！連劇組都表示，《太陽的後裔》能如期播出，全靠男神無與倫比的堅強意志！

来源：东方新地