無綫新節目《男人食堂》由許紹雄、金剛及梁烈唯主持，三人扮開一間日式居酒屋，場景明抄日本漫畫《深夜食堂》，而每集都會邀請不同嘉賓大談男人經。不過原來除咗三個大男人，「食堂見習生」陳婉衡(Alycia)都一樣咁搶鏡！

Alycia每集都着住低胸白色Tee，將36E迫爆上圍表露無遺，佢有一個重要任務，就係俾三位大男人抽水。今集一開始佢就將一張街招貼喺自己胸前，然後Benz雄就講一句︰「嘩真係撐起晒成個《男人食堂》喎。」…… 算啦佢應該都慣晒。

上集Alycia不停俯身執嘢令大家眼睛吃冰淇淋，今集一於再接再厲，金剛係咁跌嘢。真係難為佢……

每集有一個環節，就係台灣人金剛會回鄉拍外景，介紹有趣的人和事。今次佢就帶大家認識台灣「抓龍筋」，即男性生殖器官的按摩療程！本來「抓龍筋」已經夠爆，再加埋金剛半鹹淡廣東話的旁述，搞到成件事好似低俗晒。(好似係)

當金剛同觀眾都以為係一開頭嗰位索台妹負責「抓龍筋」，點知佢只係招呼客人，真正出手的係呢位大姐！

不過索台妹唔出手一樣令大家大飽眼福，佢全程着住一件超低胸浴衣坐喺金剛旁邊，講嘢時又成日不經意露半球，睇到大家眼都凸！

雖然金剛痛到七情上面狂叫，不過相信大家的注意力……都係去咗第二度。

仲有仲有，每次有嘉賓進場Alycia都要90度鞠躬，連叻哥見到都忍唔住要讚！

去到最後玩遊戲，Alycia企定定腿張開做龍門，叻哥仲指定要射去佢「雙腳下的方位」。

去到節目尾聲金剛又再扮跌嘢要Alycia執，好一個首尾呼應！

来源：东方新地