說真的,如今的里安納度已經不復當年的俊俏,不過起碼都係一個型佬,但佢似乎不甘成為一個空有外貌的花瓶,所以近年演的角色都極具挑戰性,賣演技不賣樣。去到今年終於憑《復仇勇者》在多個頒獎禮如金球獎、演員工會獎上封帝,以大熱姿態劍指奧斯卡!等咗咁多年,小編都忍唔住要大叫︰「Give this man an Oscar!」
里安納度在片中飾演Jack Dawson,一個只有20歲的窮小子,與富家女主角Rose發展出一段浪漫淒美的愛情故事。Jack看似玩世不恭,但卻是情深一片,在電影末段更為愛情壯烈犧牲,時至今日依然有無數人睇到喊濕幾個枕頭。無論係「You jump I jump」、「I’m the king of the world」定係為琦溫絲莉畫裸體素描,都已經深深烙印在世人腦海,里安納度亦從此擠身國際巨星行列。
名導馬田史高西斯執導作品,故事由真人真事改編,改編自股票經紀人Jordan Belfort在獄中寫成的傳記。Jordan Belfort係一位極具爭議性的傳奇人物,佢二十幾歲就靠投資成為千萬富翁,曾試過三分鐘內賺到1,200萬美元,獲得「華爾街狼人」(The Wolf of Wall Street)的稱號。