自同伍允龍八年情玩完,嘉欣BB嘅感情事就進一步密封,但原來唔聲唔聲,月尾將會下嫁前無綫集團主席梁乃鵬嘅姪仔。 據知,嘉欣BB去年經家姐Annie介紹,認識喺溫哥華開設脊醫診所嘅Jeremy,診所暫時僱用7個員工,對方年薪更高達百萬加幣,折合接近6百萬港幣,有「才」又有「財」,正宗鑽石王老五一個。 Jeremy同BB發展接近一年,對女友百般遷就,已經令女友屋企人都覺得冇揀錯;再加上早幾個月發現有餡,到依家已經有成5個月,所以,更加要快快拉埋天窗啦! 與此同時,嘉欣BB Instagram有消息指佢會喺今個星期六,即係2月27日結婚。睇嚟由這一分鐘開始計起,唔少嘉欣BB嘅宅男粉絲,要冒住心碎危機度過今個月尾喇! 来源:nextplus
【on.cc東網專訊】 呢排真係好多意外!啱啱,無綫小花張名雅,就喺FB度上載一批照片,觀乎照片,發現錘仔直插車籠,仲有好多碎玻璃,真係觸目驚心。張名雅亦喺FB留言,表達佢目擊意外經過嗰種驚嚇:「Omg!外景中突然空降一個除(錘)仔落車玻璃!當堂巨響加玻璃爆破。我還以為是什(甚)麼特技...好驚...」 離奇!裝修工人跣手釀意外 此post一出,即有大批網民留言慰問,張名雅亦都盡量回覆各網友,仲透露意外原因:「樓上裝修工人sin(跣)手,剛剛落來拿反(番)走個除(錘)仔繼續開工...意外」 咁嘅意外都可以發生,真係八十歲唔死都有生命。雖然發生呢個令個心都嚇到離一離嘅意外,但好彩冇人受傷,張名雅之後都有喺FB報平安:「我們都沒事,同事們好專業,場口也順利拍攝完成了。只是突然發覺我們平時覺得不會發生的事都是有可能的。以後見到有地盤,棚架,樓上有裝修工人的地方我都會想起今日的經歷。如果除(錘)仔高空跌落來跌中人後果可能好嚴重..大家注意安全就好了!」見佢同歐陽震華(Bobby)舉晒V咁,相信大家都可以放心了。 来源:on.cc东网
當年的一部《監獄風雲》,改變了許多人的命運。導演林嶺東擺脫叫好不叫座的尷尬