話咁快已經去到年初五，打工仔都放完假又要面對殘酷嘅現實……就係要返工啦！唔少人農曆年假都選擇去拜年或者周圍玩輕鬆吓好好利用呢個假期，前港姐冠軍馮盈盈都唔例外，佢就喺ig甫咗張爆乳泳衣相，個樣仲要好歎咁瞓喺池邊，佢就留言透露自己休息咗幾日，仲講一咗一大堆正正經經嘅說話嚟回顧上年入行嘅感受：「休息了幾天，也沉澱了幾天。回顧舊年是我入行的第一年，太感恩得到各位的愛和支持。讓我在你們的見證下，從不同的機會和歷練中成長過來。新年新開始，要提醒自己保持熱誠和拚勁。做好所有工作，把握所有機會，不可以鬆懈疏忽。要鞭策自己不斷進步，也要尋求突破！」睇落好似好正經同好正面！

一向跳脫接近跳掣嘅馮盈盈突然間咁正經大家係咪有啲唔慣呢！睇睇佢啲hashtag，馮盈盈嘅「真身」即刻蒲頭！佢啲hashtag就話「#caption正經#hashtags就亂來#本身年初四咁嘅樣#即係假又放完錢又使晒工又要返#點會好樣呢#原來我初六先復工#個樣立即變得咁歎#得咗」即係馮盈盈比好多人遲開工，難怪個樣會咁歎喇！有唔少粉絲就留言話會繼續支持佢，亦都有啲粉絲畀佢嘅事業事吸引住大讚佢好身材！

来源：东网

Like Rojaklah Facebook！不出门也能知天下事～

Like Rojaklah TV Facebook！随时观看Video，给你Happy给你FUN❤