《平安谷之詭谷傳說》將於今晚(1日14日)接著《誇世代》的檔期播放。套劇雖然就放了一年先出街,但是話題性依然十足,無他嘅,一來此劇接著由膠劇昇華至神劇的《誇世代》,二來演員陣容亦十分好,由蘇玉華、黃浩然及陳凱琳領銜主演,又有劉江、朱晨麗、龔嘉欣、阮兆祥。

演員之一的阮兆祥接受《香港01》訪問時,就介紹了自己的角色。「我喺劇入面係擔任陸家管家嘅角色,但係我本身係姓伍嘅,後尾因為家道中落由陸家作主,所以我就入咗陸家做管家。我主要嘅戲份係同朱晨麗一齊,不過顧曼儀(朱晨麗 飾)就係陸金谷(劉江 飾)聚返嚟嘅填房(四太)。但係早喺顧曼儀(朱晨麗 飾)入門之前我就已經暗戀佢。(即係伍尚舜(阮兆祥飾)俾陸金谷(劉江飾)綠帽戴?)係冇嘅,只係單方面嘅暗戀,不過我個角色就為佢做咗好多嘢。」

除了《溏心風暴3》結局篇以及《平安谷之詭谷傳說》的劇集;宣傳外,阮兆祥近來更忙於準備《福祿壽十周年演唱會》。「畢竟我哋闊別咗紅館已經5,6年時間,喺呢段時間都會積落一啲想做又未做嘅嘢,但係如果呢2個月有特別嘢發生,我哋又會想加埋落去。」阮兆祥更提到,他為了這次《福祿壽十周年演唱會》更特別地去了修身。「我希望以一個比較輕盈嘅狀態去應付演唱會,始終要歌舞連場吖嘛。我為咗減肥仲要戒澱粉質,麵包,飯,麵已經同佢哋絕交。但係絕交成績都唔錯嘅,我都瘦咗10磅,當然仲會配合跑步運動啦。」

来源:hk01


Like Rojaklah Facebook!不出门也能知天下事~

Like Rojaklah TV Facebook!随时观看Video,给你Happy给你FUN❤

Comments

comments