TVB台庆剧《降魔的》大受欢迎,胡鸿钧主唱的主题曲《到此一游》亦热播。无綫有见及此,安排黄心颖、蔡思贝、冯盈盈、邵珮诗及张宝儿五位前港姐合唱,更拍埋MV。五女于MV中展露野性的一面,十足韩国女团一样。当中黄心颖更无视限奶令,谷胸大骚事业线。据知,五人将于本月30日《劲歌》总选演出。

企中间显地位

有跳舞底的心颖更被安排站于正中位置,足显受无綫重视程度。对于大跳性感舞步,心颖接受东网访问时谓:「哈哈!我又唔觉好性感,係衬番个造型,跳舞嗰部分我好锺意,因为本身锺意跳舞,好难得有一个咁嘅project畀我哋去玩,我觉得几得意呀!(企晒中间证明公司力捧你?)唔知係咪,但公司知我识跳,所以先安排我企中间啫!力唔力捧我冇特别去谂,咁5个女仔,是但都有一个企中间啦,但希望之后有机会再录另一隻歌,都几好玩。」

宝儿玩蛇同蜥蝪

至于张宝儿就在MV中玩蛇、玩蜥蝪!她表示以前有摸过大蟒蛇,所以今次并没有太害怕,不过直言起初有少少紧张,她说:「细蛇仲恐怖,因为佢郁得快,要啲时间同佢适应!」她笑指蛇冇毒亦冇牙,一开始导演更要求她将蛇摆上颈,她笑谓:「可能大家唔记得佢係生物,係会郁,捉得佢愈紧,佢就会爬走!」谈到玩蜥蝪,她谓要更小心,因为蜥蝪身上有刺,要小心不要被蜥蝪勾到裙,而且手亦有被刮伤。她笑指今次是她首次同动物合作,相比与人合作更难,因为要看小动物的反应!

思贝:留个倩影

而蔡思贝则表示有份参演感开心和惊讶:「我自问唔係歌手或跳舞,但我都应承拍,人生中留一个倩影,排舞到拍到MV出嚟都係由零开始。我细过跳芭蕾舞,街舞唔係特别好叻,所以每一个练习做得好啲,费事《劲歌》总选演出时会好瘀。」

▼5位港姐劲歌热舞《到此一游》。(如有删掉敬请原谅)

资料来源:hk.on.cc


Like Rojaklah Facebook!不出门也能知天下事~

Like Rojaklah TV Facebook!随时观看Video,给你Happy给你FUN❤

Comments

comments