▲重點係老公都唔知佢今日套衫係咁！

無綫藝人王君馨、張振朗與馬貫東在中環出席活動。人妻王君馨大解放，以低胸裙拋胸大晒事業線亮相，胸前晒出不規則神秘三角，噴血到暈。問到性感打扮可要先讓老公過目？她說：「冇呀，做嘢唔使問佢。」

爆老公洗碗唔乾淨

王君馨將會為無綫拍攝劇集《是咁的，法官閣下》，她預告要與老公測試能否「小別勝新婚」，她笑說：「嚟緊呢三、四個月拍劇，同老公會好少時間見面，試吓係咪小別勝新婚、唔見一段時間會唔會更sweet？（夫妻關係有冇出現問題？）冇問題，如果小別勝新婚，將來可以放更多時間去投入工作，如果唔係就會抽多啲時間陪佢。（老公有冇投訴？）又冇不滿，畀多啲空間大家。（係咪見得多厭倦？）有可能㗎，日見夜見，一齊住要慢慢磨合。（有冇嗌交？）依家係夫妻，以前有啲細微嘢大家接觸唔到，好似我話唔會煮飯同洗碗，但原來我煮飯叻過佢，諗住我煮飯佢洗碗，但係佢洗碗又唔乾淨，結果好似咩都我做晒咁，我都講笑話叫老公要去上堂惡補吓。」

戲中親熱預先向老公備案

在新劇中有親熱戲的王君馨，透露有向老公備案：「同佢解釋因為同黃智賢戲中係夫妻，所以有啲親熱戲係好正常，如果你呷醋咪嚟探班囉，我覺得佢應該唔夠膽嚟探班，佢都信任同支持我嘅工作。」

▼视频

▲實在太噴血。

▲會唔會之後畀老公話㗎？

▲夾到實一實。

▲側面睇都好強勁～～

▲真係冇得輸！

来源: on.cc

Like 玩嘢兄弟团 Facebook！带大家玩翻全马high翻天～❤》请点我！

Like Rojaklah Facebook！不出门也能知天下事～～》请点我！