无綫重头剧《 深宫计 》日前喺尖沙咀举行煞科宴,一班剧中演员马浚伟、胡定欣、萧正楠、马国明、罗霖、米雪等以及台前幕后工作人员都有出席。胡定欣喺横店拍 《 深宫计 》期间跟同剧新人施骏喆影贴头照,因而传出对方係新欢,对此定欣否认之馀仲话对方只係佢影迷,叫大家唔好乱写。至于马国明虽然未有同剧嘅绯闻女友黄心颖同场,但马明受访时话「唔介意大家叫佢(黄心颖)做我女友」,而席间播出嘅精华片段中二人有感情戏及接吻场口,睇嚟二人感情突飞勐进!

拍《 深宫计 》传绯闻 胡定欣否认恋小鲜肉

提到胡定欣同剧中饰演侍卫嘅演员施骏喆(Jason)传出绯闻,马浚伟听到后反问拍档胡定欣:「我都企喺你身边,点解唔係传你同我?」胡定欣否认恋情:「冇啦!其实係喺一个宴会上,佢话佢係我fans然后合照。后来唔知点解就传佢係是我嘅小鲜肉!」胡定欣同前绯闻男友陈展鹏合拍嘅新剧《同盟》快将推出,问到宣传时可担心被问及旧绯闻恋情时,佢即请传媒手下留情,仲话如果记者唔问,佢哋就唔会尴尬!

同心颖传绯闻 马国明:唔介意大家叫佢做我女友!

马国明否认跟女友黄心颖横店开工朝夕相对好开心,马明谓:「我係去拍戏唔係去沟女!」但唔否认二人因而加深了解:「依家知道佢锺意食辣,我唔食辣,叫餸互相迁就,不过未去到一齐睇傢俬,如果一齐睇楼、睇傢俬,就好近(结婚)喇!」问到二人发展阶段,马国明直言不介意传媒称黄心颖是女友:「「我们了解紧、了解下,不过我见到有杂志已称呼他是我女朋友,我不会介意,不会反驳,娱乐新闻大家笑吓、开心吓囉,想多些开心的新闻。」谈到心颖被影到去夜店又同男友人好close,佢话:「冇咩特别,佢仲好后生,就当帮套剧剧宣传!」马明又坦言自己年轻的时候也会去酒吧,只係依家比较少。

马明同前女友胡定欣同场,二人大方合照,定欣更指马明和心颖Sweet到爆!

心颖 含泪吻马明

马明单拖现身,心颖因有工作而缺席煞科宴,但现场播出剧集精华片段及拍摄花絮,马国明同黄心颖呢对绯闻情侣喺剧中有感情线,一脸病容的心颖含泪吻马明!

萧正楠 同黄翠如冇婚期

讲到拍摄趣事,萧正楠笑言为咗一场冲凉戏,经常去gym room操肌:「我依家有咗啲点腹肌,但有瘦咗啲,因为冇乜食饭!」谈到女友黄翠如,萧正楠话:「我哋依家感情好好,但係未计划结婚,我觉得依家应该先做好工作,迟啲先谂结婚!」提到与曹永廉互相爆对方的出丑事,佢笑言:「如果有一日,我唔整蛊佢,佢会好唔舒服,冇计,我係佢嘅医生,不过开玩笑当中也有支持有兄弟情嘅!」

除了马明心颖有kiss戏,马仔同胡定欣、萧正楠同刘心悠都有接吻戏,而周秀娜及定欣更有出浴戏,场面香艳,而马国明都不甘示弱,有除衫半裸淋水嘅镜头。

马仔笑心悠 广东话唔标准

马浚伟话虽然剧中冇动作戏,但要演玩心计的戏份,搞到个脑都好攰!但今次演皇帝过足戏瘾,最享受跟大班女演员同场,个个衣着性感又养眼。马仔笑言:「娜姐(周秀娜)好多虾碌,讲古装对白好好笑,眨眼又比平常人慢,刘心悠又讲咗广东话歪音,变咗粗口音,但佢自己唔知!」

 

资料来源:东方新地


Like 玩嘢兄弟团 Facebook!带大家玩翻全马high翻天~❤

Like Rojaklah Facebook!不出门也能知天下事~

Comments

comments