◤终于有照片看啦!◢王君馨在美国完婚! 伴娘团超养眼❤钟嘉欣还做mai大妗姐, 现场气氛幸福感爆棚啊～

▲真係聽到都覺得王君馨佢好幸福！

現年31歲的藝人王君馨（Grace）昨日同圈外男友Daniel喺美國紐約舉行婚禮，圈中好姊妹鍾嘉欣、李亞男、衛蘭、裕美等專程飛往參加！忙咗一日嘅Grace完成人生大事，喺香港凌晨時間，她終於回番氣，當收到攝影師照片，即向大家報喜訊。

Grace開心分享婚禮：「我昨日喺紐約嘅6月11日同Daniel結咗婚啦，好嘢，哈哈！非常之開心，朝早一班姐妹幫我着褂，我哋亦有斟茶畀父母，嘉欣除了maid of honor（伴娘），仲做咗我嘅大妗姐，因為我冇大衿姐。」而一班姐妹亦十分有心，特別作咗首歌以Rap歌形式，即場唱出祝賀新人，Grace話：「佢哋好sweet，準備咗十分鐘嘅sharing，同埋加咗Rap歌，Rap咗好sweet嘅詞畀我同我老公仔。」

婚禮成個過程既溫馨又感動，Grace話嘉賓好多都感動到喊，而一對新人當然既感動又開心，跟住Grace仲大呼自己已正式榮升張太，話：「好開心，我哋（與老公相識）11年11個月14日已經過咗啊，我今日係張太嚟喇，下個月11號見啦，我好幸福。」Grace舉行婚禮後，下月11將在港補擺喜酒。