無綫劇《不懂撒嬌的女人》日前播出大結局，個Ending唔係人人接受到，小編反而想提提35歲的譚凱琪 （Zoie）！ 劇中Zoie與張達倫飾演的Annie及Oscar，係唐詩詠王浩信外另一對受觀眾歡迎的熒幕情侶，當中兩人的咀戲同床戲超「激」，令觀眾面紅耳赤！其實Zoie早年以歌手身分出道，為日本音樂家小室哲哉的弟子之一，不過反而拍劇先令佢彈出！

咀戲床戲激情十分 譚凱琪 白滑玉背誘人

Zoie在《不懂撒嬌》中飾演失婚OL Annie， 育有一個兒子「蝦米仔」，幾經辛苦等到上位做總經理，但就要忍痛放棄兒子的撫養權。 幸好有張達倫飾演的Oscar開解佢，劇集後段，張達倫對兩母子的溫柔成功令Zoie感到被愛，深受感動，於是兩人情不自禁，於海旁熱吻，咀咀咀！

鏡頭一轉，只見兩人剝光豬瞓喺床度，關係進展得十分快！張達倫情深望住Zoie，而呢個moment，觀眾都十分情深…..望住Zoie的玉背 ！又白又滑，十分誘惑！再一次證明唔識得撒嬌唔緊要，性感一樣好煞食！

性感形象深入民心  《致命復活》、《EU》索爆

Zoie都唔係第一次於劇集展示性感一面，喺《致命復活》同《EU超時任務》中同樣引起觀眾回響！先講《致命復活》，Zoie有查案的戲份，換上比堅尼泳衣大騷fit爆身材曬太陽，你以爲已經好噴血？接下來佢被死對頭何雁詩將其比堅尼上衣個扣解開咗，剛剛瞓醒的Zoie懵然不知，坐起身伸個懶腰，咩都俾人睇晒，秀出白滑玉背！

正到戴耀明「動L」

而《EU超時任務》中，飾演記者水晶梨的Zoie為咗查案深入虎穴，換上一身性感黑色短裙色誘戴耀明，中晒美人計的戴耀明即被迷得一陣陣。之後Zoie坐佢隔離時，佢直頭進入忘我狀態！有眼利網民發現戴耀明下體離奇激凸，成條褲撐到勁高，連「小耀明」都交足戲！戴耀明就急急澄清只係條褲摺咗，大家又信唔信呢？

出道逾17年 譚凱琪 大起底

今年35歲的Zoie早於2000年以歌手身份出道，出道至今已17年。日本著名音樂家小室哲哉當年在香港收過六位徒弟，其中較為人認知有陳敏之及葉佩雯，但其實Zoie都係小室弟子之一，當時只有18歲的Zoie更曾在日本推出兩張專輯︰《ガラパゴスのJULIET》、《Rojam Twinstars Ultimate Party Music》。

Zoie亦在香港出過一張名為《全力愛》的唱片，不過銷量未如理想，後來其曝光率愈來愈少。於是在2007年轉投有線，漸漸放下歌手身份，主持過唔少綜藝節目，並在2013年正式轉投無綫。

Zoie曾在2008年參演青春電影《愛鬥大》，仲同「白花油王子」顏福偉有對手戲，不過電影口碑認真一般，相信都冇咩人記得。

相信劇集出街前，大家都估到Zoie同「嚴謹」張達倫會有咁厲害的火花！

着泳衣的Zoie最近已經好難見得到，值得欣賞欣賞！

睇番Zoie小時候的相片，發覺佢真係冇乜點變！大眼睛同微厚嘴唇細個時已經好突出，可以肯定係純天然！其實Zoie keep得咁好，就算依家再叫佢扮學生妹都一樣冇問題！希望將來有更多機會睇到佢演出！

资料来源：Viralcham

Like 玩嘢兄弟团 Facebook！带大家玩翻全马high翻天～❤

Like Rojaklah Facebook！不出门也能知天下事～