「突然又已一年」，《2017年香港小姐競選》又有公開招募，大會以「TVB50周年 香港小姐 美麗是贏家」為口號，日前記者會仲請來多位歷屆及應屆 港姐 出席。不過心路歷程來來去都係嗰啲，所以大會公開咗眾佳麗當選前後的對比照，當中都有唔少爆點喎！我哋就嚟一個前後大對拼，睇睇多位靚女，有咩變化！

港姐 Before & After  

2017年話咁快過咗差唔多一半，《2017年香港小姐競選》開始公開招募，會唔會港姐港男一齊搞仍是未知數，不過可以肯定港姐總決賽將會在8月上旬舉行。一眾歷屆及應屆港姐如陳凱琳、朱千雪、黃心穎、麥明詩及馮盈盈日前出席記招，除咗分享老套的心路歷程外，仲要面對自己那些年參選前的相片！老老豆豆，會唔會唔認得自己㗎？

黃心穎  

第一位先講黃心穎，最近同馬國明行得好埋的心穎BB，其實當年已經被指似蔡一智，而且以前的膚色較黑，遠睇分分鐘以以為係賓賓㖭！現場嘉賓之一的黎諾懿見到佢張相，仲笑問心穎參選港姐前係咪坐過監，因為張相好似出冊前出冊後咁！唔通佢當年知道硬撼其他靚女勝算唔高，所以揀張醜相轉移焦點？

回到那些年：

陳凱琳  

跟住到2013年冠軍陳凱琳，佢整體樣貌冇大分別，不過就同心穎BB一樣皮膚比較黑，佢自嘲話適合拍美白廣告，但當選左港姐後，可能日搽夜搽防曬，變到依家白白滑滑，洗甩左陣黑柴味。加上依家同鄭嘉穎熱戀中，幾時都係咁春風滿面，梗係靚過以前啦！

回到那些年：

麥明詩  

2015年冠軍、「10優港姐」麥明詩向來敢言見稱，一向唔介意人哋講以前個樣，更不拘小節，即使早前被人影到擘大口食蛋撻，儀態大失，佢反批評話要求女仔斯文有儀態已經係封建思想！佢仲喺記者會上自爆：「我選完之後成日畀人鬧咁平凡都可以選到，我就覆佢，你出嚟選我咪選唔到囉！」睇返舊時啲相，Louisa一樣係眼神充滿自信，笑容甜美，都係妝容有分別啫！

回到那些年：

馮盈盈  

即將卸任的2016年冠軍馮盈盈讀大學果陣已經係校花，仲有個外號叫「甫士王」，唔使講當然係索女一名。不過睇番盈盈以前啲相，雖然樣貌整體分別唔大，不過就比較稚嫩，仲隱約散發陣陣「MK」味，唔似得依家感覺高貴大方！

回到那些年：

朱千雪  

不過講到最靚的，都係小編至愛的民選港姐冠軍朱千雪！由參選此今，千雪BB個樣冇乜大變，佢永遠都會展現燦爛笑容，談吐親切如同鄰家女孩。睇番以前啲相佢就有少少Baby Fat，感覺係可愛又帶點傻氣，依家就多咗種成熟穩重的女人味。

回到那些年：

资料来源：东方新地

Like 玩嘢兄弟团 Facebook！带大家玩翻全马high翻天～❤

Like Rojaklah Facebook！不出门也能知天下事～