無綫劇《 全職沒女 》話咁快今晚就大結局，久未拍劇的張兆輝和陳松玲擦出唔少火花，小情侶張振朗與陳瀅亦甚有看頭，其中女神陳瀅多次性感誘人的演出更令人讚不絕口！另外唔少觀眾都關心劇中幾對情侶的結局，到底邊一pair能夠終成眷屬呢？
廣告

《 全職沒女 》第20集 (大結局)

富豪仍然懷疑麗晶，特地觀看餐廳的閉路電視，卻看不到泛薳所寫的歌詞，內心忐忑。富豪到酒店學院參觀，品嚐麗晶的畢業雞尾酒「Power of Love」，醉後竟坐的士找麗晶。翌日富豪醒來卻身在酒店房間，座首告知麗晶突然辭職。雋穎自知在繆思心中唔夠成熟和穩重，唔希望對方為報恩而同自己結婚。雋穎飲醉酒後搵富豪，指繆思不願與佢結婚，而富豪同樣被麗晶放棄。此時雋穎指麗晶為人沒有機心，富豪難再搵到一個這樣的女子。

雋穎和繆思分別在婚姻註冊處門前出現，繆思拒絕與雋穎註冊結婚，雋穎承諾會努力變得成熟和穩重，將來再迎娶繆思。蓮娜邀麗晶重返仲夏夜，因為富豪已辭任仲夏夜總經理之位，專注南美洲業務，唔會再在香港出現。蓮娜盛讚富豪首次肯為成全別人而犧牲自己。四年過去，眾人各有大不同……

富豪 麗晶 機場重遇

富豪辭去仲夏夜酒店總經理一職，安心將業務交給兒子雋穎打理，自己就離開香港專注南美洲業務。四年後，麗晶喺機場遇到前男友，後者更拖住新女，於是當眾奚落佢單身冇人要！同場的富豪當然要上前英雄救美，扮男朋友一手攬實麗晶，然後雙雙離去！唔知兩人會唔會真係成為情侶呢？

雋穎為換取大中華主席一職，已與董事Henry之女Helen假意結婚，不過私下就經常同繆思約會，到底呢對情侶最後會點？

四年後Hazel已經係醫科三年級生，一日佢同麗芝重遇高琛，不過對方已經同蘇花打得火熱，不斷擴展酒吧生意同拍電影，而Hazel亦早已放下呢段感情……

来源：东方新地

Like 玩嘢兄弟团 Facebook！带大家玩翻全马high翻天～❤

Like Rojaklah Facebook！不出门也能知天下事～