何雁詩因情緒病辭演台慶劇《誇世代》,但原來她這段時間秘密同鄭俊弘發展地下情,星期日(2/4)何雁詩由橫店返港,鄭俊弘更親自揸車接機,熱戀得痴纏。

不過,何雁詩其實是第三者,鄭俊弘原來收埋了一個拍拖三年富家女友,他更在一五年八月一日向女友求婚成功,女方一家無論在生活及金錢上,都對鄭俊弘照顧周到,點知他唔心足走去偷食,打算一腳踏兩船,但最後被正印捉到斷正。

正印因被騙而大受打擊,而她的閨密睇唔過眼,決定向本刊爆料,將鄭俊弘偷食過程全披露,撕開他扮乖仔假面具。

在二○一五年七月三十一日,為慶祝他們拍拖一周年紀念,他們包了七人車到深圳瑞吉酒店,book了一間兩層複式房間慶祝,由於鄭俊弘怕被人check到,於是由女友負責book房及俾錢,去到凌晨十二點互相俾對方surprise,見到鄭俊弘突然換了一套禮服,跪在地上手上攞住隻結婚戒指向女友求婚,而beebs當時亦答應,鄭俊弘更帶了一支由fans送的貴價紅酒上深圳,求婚成功後飲酒慶祝,之後他們更換了一套藍色情侶裝,攬住自拍留念。爆料者更提供了當時他們的合照。

「其實去深圳前阿Fred喺WhatsApp都有同beebs提過結婚嘅事,Fred趁喺加拿大做show嗰陣,去咗間出名賣結婚戒指同首飾嘅Michael Hill Jeweller,買咗隻求婚戒指。Fred揀呢個時候求婚,原來因為Fred應承過beebs同佢屋企人,話拍拖一年內會俾個承諾,所以喺一周年嘅時候求婚。」爆料者說。

爆料者更提供了一段聲稱是鄭俊弘send給未婚妻WhatsApp錄音,「老婆,要唔要我買糖水dessert嗰啲呀」,力證二人親密關係,該錄音清楚聽得出是鄭俊弘聲音。

由於已經決定會結婚,所以女方的家人都當正鄭俊弘是女婿看待,他們經常一齊家庭旅行,每次搭飛機不是坐頭等就是坐商務客位,他們都不會問鄭俊弘收錢,而鄭俊弘亦沒有自動自覺表示會自己俾番錢。

可惜,這位女婿在兩個月之前同何雁詩搭上,他同阿Beebs的感情亦都劃上句號,我們都有問過鄭俊弘,但係他在我們截稿的時候都未有回應。

点开链接看影片→ 请点我!

来源: nextplus


Like Rojaklah Facebook!不出门也能知天下事~~

Comments

comments