近年大家都好喜歡講「贏在起跑線」甚至咩「贏在子宮裏」，一班星二代就符合呢個講法啦！佢哋經常有機會暴露在鎂光燈下，一舉一動都備受關注，更重要係佢哋遺傳到父母的優良基因，極有星味！其中昔日性感女神邱淑貞 (豆斗) 的大女 沈月 愈大愈靚女，15歲已經長得極標緻，同媽媽十足餅印，好似兩姊妹！日前沈月上載幾張參觀藝術展的相片，化好靚妝、紮起馬尾加上一身火紅打扮，直頭靚過媽咪啊！

餅印母女

豆斗作為九十年代的性感女神，係唔少男士心目中完美的化身，不過佢自1999年嫁俾時裝公司I.T.老闆沈嘉偉後就淡出幕前。豆斗結婚後替老公誕下三個女兒沈月、沈日及沈晨，其中長女沈月生得亭亭玉立、小時候已經氣質出眾，皮膚及標緻面孔都甚有媽媽的影子！

長腿索女

沈月同時下年輕人一樣都活躍於社交網站，不時都分享自己的靚靚生活照，雖然佢平日多以淡妝或素顏示人，不過都足以睇到佢係個美人。而身為學校籃球隊成員的沈月現已經同媽媽差唔多高，手長腳長，不時大晒白滑長腿！唔少網民都亦沈月愈大愈正，相信過多幾年後能與母親匹敵！不過小編就認為唔使過多幾年啦……

沈月早前上載的和服照，更睇到一眾男網民目定口呆！

靚過媽咪？

日前沈月同家人去灣仔，參觀好多人喺網上爭相po相打卡的香港巴塞爾藝術展 (Art Basel)，事後上載幾張靚相到Instagram，見到佢着上紅色上衣配黑色直腳褲、手持紅色clutch，I.T太子女果然衣著品味獨到。沈月呢日化個靚妝、紮起馬尾，展露殺死人的甜美笑容，極有媽媽豆斗的影子！細細個已經咁索，再大個啲真係不得了！唔知豆斗俾唔俾個女加入娛樂圈呢？

全文完

来源：东方新地

Like Rojaklah Facebook！不出门也能知天下事～～