藝人 劉德華 (華仔) 今年1月17日在泰國拍廣告時發生意外，在馬上摔倒墮地，導致盆骨撕裂及腰脊骨裂，其後乘醫療專機返港送院。在養和醫院留院51日後，華仔今月10日終於宣布可以出院，粉絲們可以鬆一口氣啦！而華仔當時拍攝的綠茶廣告今日正式曝光，着上西部牛仔裝的華仔非常有型，在牧場玩飛靶射擊，不過就未見到佢騎馬英姿。

華仔：我回家了

華仔一月在泰國受傷後，隨即乘乘醫療專機返港送院，之後一直在養和醫院接受治療。直至本月10日，華仔及其經理人公司齊發聲明，指佢傷勢恢復的相當順利，盆骨骨折癒合情況理想脊椎骨裂、坐骨神經系統、肌肉及跟腱拉傷，則慢慢修復當中，可以出院。華仔亦上載一張對鏡頭致敬的相片，宣布自己回家了，多謝大家關心！

型爆射靶

今日華仔拍攝的綠茶廣告正式曝光，片中見到佢着上全套西部牛仔裝束，手持長槍在牧場踱步。之後見佢走到一大片草地，原來係玩緊飛靶射擊！

鏡頭一轉，飛靶接二連三向天空射出，華仔隨即瞄準開槍，而且更是例不虛發，將全部飛靶一一擊得粉碎。之後畫面再遠遠影着華仔抬頭望向天的背影，相當有型有款！

Chok爆歎茶

咁都未係最有型，射完飛靶後，戴番黑超的華仔坐埋一邊休息，雙腿放上欄杆，然後一臉寫意咁飲綠茶。不過大家都知道華仔係被馬踩傷，但呢個廣告中未見有馬，似乎就仲有第二輯廣告未出街啦！

廣告全片：

全文完

来源：东方新地

Like Rojaklah Facebook！不出门也能知天下事～～