「冇樓咪白撞，有樓有高潮」成港女最新潮語，剛踏入36歲的 李施嬅 同樣從來目標為本！入行十多年未有代表作，但佢從來唔介意，因為嫁個有錢人才是其終身事業，男友個個非富則貴。不過佢去年被富商潘樹維飛甩後，感情一直未有着落，眼見條件本金隨住年紀降價，李施嬅最新目標鎖定無綫筍盤、事業錢途無可限量的袁偉豪！為揸緊呢個優質潛力股，佢借好姊妹胡定欣親近男方，近來更努力洗走多年積落的銅臭味，轉型學影相、勤運動、做善事等，洗底扮純純兔迎合男方﹗

借胡定欣過橋

李施嬅去年初和拍拖兩年的富商潘樹維分手，座駕係男友公司登記，在貝沙灣築愛巢，點知埋門一腳入唔到豪門，鈞金龜無望的李施嬅唯有降低要求向公司同事袁偉豪埋手！35歲的袁偉豪係馬國明之後無綫另一筍盤，有樣有肌，事業起飛，錢途無可限量。不過李施嬅同袁偉豪拍劇未曾有合作機會，於是利用「胡說八道會」好姊妹胡定欣跟袁偉豪相熟的有利因素，借機埋身！逢胡定欣跟袁偉豪有聚會，一定死跟。

死跟去飯局

早前農曆新年，定欣、袁偉豪和陳山聰等人組成的crazyrunner，相約到胡諾言屋企拜年，李施嬅繼續死跟，據知李施嬅當晚全程捉住袁偉豪吹水，又借對方部相機問東問西。鍾意小朋友的袁偉豪同胡仔兩個女玩得好投契，於是李施嬅又玩埋一份，形影不離！

crazyrunner不時有飯局，只要有袁偉豪出席，就會有李施嬅的身影！

封袁偉豪做英雄

早前二人出發到新加坡出席星和大獎，出席名單水蛇春咁長，姊妹胡定欣亦有份，有異性冇人性的李施嬅，顧住搵袁偉豪合照放上IG晒命，稱對方為「英雄」令自己有安全感，冧仔冧得咁出面，超級進取。

另外李施嬅任某運動品牌八年之久，之前拍檔一直係黃浩然，最近突然換上袁偉豪。據知係跟廣告客戶關係極好的李施嬅，幫口為袁偉豪拉線，最終成功以情侶檔拍廣告！

袁偉豪：「唔敢諗拍拖住」

袁偉豪和港姐女友岑杏賢去年11月在網上公布分訊，袁偉豪分手後搬離清水灣半島愛巢，但卻在同一屋苑租住另一單位，似有意復合，袁更曾明言：「佢(岑)一個人喺香港，我想有個照應啫﹗而佢接受本刊訪問時，就表示依家唔敢諗拍拖住，因為自己仲未ready開始近戀情，而且近日工作好忙，會先專注事業！

李施嬅轉型洗底

袁偉豪繼續做癡情男，李施嬅想得手自然要落多幾噸力！其實李施嬅自09年跟鄧健泓分手後開竅，緋聞男友包括保良局總理吳守基、清洪契仔巫翊鳴、銀行太子林嘉誠、澳門酒店揸弗人Reggie Martin、告東尼子告崇恩等，個個非富則貴，釣金龜形象鮮明。近來卻突然轉性，善心爆棚，發起去做義工、捐款俾意外受傷的fans，生日正日高調捐血，一改以往性感小野貓、夜店常客的形象，近來生活健康，誓要形象大翻身，有意跟袁偉豪前度岑杏賢的賢慧嫻淑看齊！

来源: 东方新地

Like Rojaklah Facebook！不出门也能知天下事～～