▼唔知楊怡睇到啲相會有咩反應呢？！！！

【on.cc東網專訊】 內地女藝人朱銳日前就喺微博上載咗多張網劇劇照，引嚟大批網民熱烈討論，原因係劇照中朱銳同羅仲謙上演大膽床上戲，羅仲謙赤裸上身，而朱銳就只係用床單包住重要部位，兩位主角都七情上面，羅仲謙仲咀得非常肉緊㖭，睇到一班網民嘩嘩聲！

消息指羅仲謙拍呢場肉搏戲未有同老婆楊怡備案，到咗劇集就嚟出街先同老婆講。你知啦，朱銳素有「男神收割器」之稱，老婆點都會有啲擔心啩！加上楊怡依家忙住喺上海做舞台劇《我和春天有個約會》，想日日睇住老公都唔係咁易，好在羅仲謙都非常識做，為咗氹老婆開心，日前佢就飛咗去上海捧老婆場，老公咁錫自己，相信楊怡應該都好放心嘅！

▼拍戲啫，拍戲啫。

▼肉緊到呢！

▼超激！

▼謙仔仲露點。

▼個樣仲驚驚地添！

▼有指羅仲謙拍呢場肉搏戲冇同老婆楊怡備案。

来源: on.cc

Like Rojaklah Facebook！不出门也能知天下事～～