陳凱琳(Grace)同鄭嘉穎噚晚忽然傳出分手消息，仲話Grace成日飛新加坡會新歡造型師Martin，Martin仲不時喺Ig貼出同陳凱琳嘅合照，講到似層層咁，不過話咁快就俾兩個當事人澄清咗，鄭嘉穎回應《蘋果》嗰陣，仲好man咁話：「我同女朋友感情好好。」分手傳言不攻自破。

呢頭傳完Grace同鄭嘉穎分手，嗰頭Grace同屆姊妹蔡思貝，又傳出同麥秋成手已分。事緣麥秋成噚日喺Ig po咗段英文句字話：「Never let somebody waste your time, twice.」(唔好再俾人浪費你的時間)！」，再留言話「原諒，只因為愛，離開，為了要尊重自己！」似暗指同女友蔡思貝情海翻波。

其實，上年蔡思貝成功翻撻麥秋成後，雖然未有承認拍拖，但二人戀人關係早已係公開秘密，不過喺今年8月，有周刊影到蔡思貝趁麥秋成去北京公幹嗰陣，竟然深夜上圈中食家周志文喺藍田嘅公屋過夜，孤男寡女喺斗室共處18粒鐘…麥秋成噚晚忽然喺Ig po話「唔好再俾人浪費你的時間！」似乎有弦外之音咁喎！

Like Rojaklah Facebook！不出门也能知天下事～～❤

来源：苹果日报