台慶劇《致命復活》情節緊湊，劇中郭晉安被綁架並困在山洞十年似乎絕非意外，而係其身邊人背後策劃的陰謀！於是觀眾們晚晚化身偵探，陪住安仔追查幕後黑手！雖然劇情夠晒懸疑，不過《致命》其實亦有搞笑及香艷場面！早前一集中 譚凱琪 (Zoie) 身穿比堅尼曬太陽，點知就被何雁詩整蠱脫去上衣，結果真空半裸於人前！

冤家扮夫婦

昨晚劇情講述Zoie與王浩信受安仔指示，假扮夫婦入住越南一家酒店，暗中調查該酒店的帳目。其中Zoie卸下劇中常見的行政套裝，換上清爽吊帶長裙，令人耳目一新！明明係冤家卻要扮成恩愛夫婦，被逼打情罵俏夠晒爆笑，王浩信仲不時出手抽水！不過話時話，小編覺得Zoie呢個吊帶裙look相當不錯……

泳衣大解放

之後兩人繼續「查案」，去到某沙灘曬太陽，Zoie換上比堅尼泳衣大騷fit爆身材，睇到男性觀眾心癢癢。點知接下來先係戲肉，因為一直與Zoie針鋒相對的何雁詩突然出現，佢戴住「面堅尼」一步步走向甜睡中的Zoie，然後將對方比堅尼上衣個扣解開咗！

大晒激白滑玉背

泳衣被解開，Zoie個激靚白滑玉背表露無遺，男士們一定好想幫佢搽太陽油！而最搞笑係剛剛瞓醒的Zoie懵然不知，坐起身伸個懶腰，咩都俾人睇晒！

半裸落荒而逃

當沙灘眾人的目光都集中在自己身上，Zoie方發覺自己上半身全裸，尖叫後即時用毛巾遮胸！王浩信到場後更落井下石︰「嘩識你咁耐都唔知你咁嚮往自由！」僅以毛巾蔽體的Zoei隨即落荒而逃，場面搞笑又香艷，令本來充滿陰沉感的《致命復活》增添了幽默元素！

来源: 东方新地

Like Rojaklah Facebook！不出门也能知天下事～～