近期mannequin challenge（假人挑戰）席捲全球，好似西甲勁旅皇馬嘅球星C朗入咗波都CHOK晒甫玩呢家嘢。除咗外國勁HIT，呢個熱潮已經傳咗入嚟香港娛樂圈，好似早幾日一個頒獎禮記者會，一大班歌手齊齊玩定格扮假人。余文樂話晒都走在潮流尖端，點都要喺社交網甫番條「假人片」跟上潮流，不過條片就唔覺意爆咗佢同緋聞女友模特兒朱韻韻（Angel）慶祝生日，唔通余文樂想藉呢條片公開佢哋嘅關係？

11月23日生日嘅Angel，連日嚟有唔少朋友同佢慶祝生日，不過就完全唔見余文樂嘅蹤影。去到正日，Angel甫嘅相都係冇余文樂出現，淨係講咗句「最重要的日子留給最愛的人」，但係差唔多凌晨時段，余文樂就自己甫咗條「假人挑戰」片，一班人喺度慶祝生日，Angel就正正是女主角吹緊蠟燭，余文樂仲趁轉鏡頭角度時換咗兩個甫士好有誠意。雖然余文樂喺社交網齋甫片冇講任何祝福說話，不過如果余文樂用咁嘅方法嚟公開佢同Angel嘅關係，呢份禮物都真係夠晒爆。

Like Rojaklah Facebook！不出门也能知天下事～～❤

来源：东网