澳門賭業猛人、兼太陽娛樂文化老闆周焯華(洗米華)有錢又有型,除了有嬌妻陳慧玲(Heidi)外,更與情人Mandy Lieu打得火熱,可算是左右逢源!不過自洗米華與Mandy去年上演一幕「世紀一拖」, Heidi 終於忍無可忍,決心要同洗米華離婚! Heidi 去意已決,不過佢仍獲周家上下力撐,獨力照顧大女周梓潼及細女周善潼;另外其自家生意蒸蒸日上,絕對是大婆自強的表表者!而 Heidi 今日則罕有地在網上大晒與洗米華的合照,難道真係如各位所望,二人復合在即?

 

雖然與洗米華正在鬧離婚,不過 Heidi 與周家眾人關係甚好,不時邀請佢出席家庭聚會。其中洗米華與前妻所生的兒子周柏豪與 Heidi 老友鬼鬼,不時都會見到佢哋一齊食飯去街,合照時攬頭攬頸!

Heidi 亦明白靠男人不如靠自己,其投資的茶餐廳生意人愈做愈有,在港澳兩店皆有分店;另外又投資健康食品生意,推出以自己英文名命名的 Heidi 果汁,大婆當自強!

雖然婚姻並不如意,不過 Heidi 堅持活出自我,做最好的自己,見到佢不時都在網上晒靚相,着靚衫又騷身材,自信滿滿,人人都讚好!

早前 Heidi 與洗米華都有同場出席活動,洗米華對太太百般殷勤,兩人甚似有復合之勢。而今日 Heidi 則罕有地在IG上載數張自己與洗米華同場、在某剪綵活動上的大合照,其中一張見到洗米華抱住細女Damiana與Heidi並排企,一家三口終於難得合照!網民們見狀都不斷留言「周太只得一個!」、「周生周太和好如初吧!」等字句,未知兩人會否如大眾所望,他朝有日正復合?


Like Rojaklah Facebook!不出门也能知天下事~~❤

 

 

 

 

 

来源:sundaykiss

Comments

comments