劇情講唯唯曾因財困借錢被逼影裸照，後來裸照喺網上瘋傳，馬明同阮兆祥等人事後幫佢搵出邊個係放料人。拍攝時唯唯堅係全裸，只用兩隻手包住「小唯唯」，更露出6舊腹肌，睇到粉絲噴鼻血咁滯！日前唯唯解釋其實當時係着住一條好幼邊嘅內褲，而「小唯唯」喺正常狀態下，用手遮到都唔出奇喎！

自從唯唯晌微博發表過搲撈言論，又po過致敬相後，內地網民對唯唯即另眼相看，封佢做「耿直boy」、「顧家男神」等，總之一面倒正評！日前唯唯上載同老婆去旅行嘅sweet相，網民繼續大讚唯唯之餘，其中一人更幫唯唯手搵工，貼埋招聘演員廣告推介佢去拍《瑯玡榜2》！

而唯唯深知內地粉絲喜好小鮮肉，近日微博都投其所好，喪po 健身大隻相，博做第二個陳偉霆！