電視城發電廠 蔡思貝 ,最近趁男友麥秋成北上搵銀,寂寞難耐的她立即搵仔解悶!日前收工後與大孖周志文看電影,完場後更前後腳驅車往周志文公屋偷歡18小時!

暗位談情

大孖一早到了戲院買定熱狗、汽水等候! 蔡思貝身穿背心透bra踢拖現身,二人見未夠鐘入場,即走落一層在角落暗位談情! 蔡思貝 突然興起,邊哼歌邊扭腰跳舞,對方睇到眼定定!

前後腳返男方家偷歡

完場後二人雖然前後腳離開,但分別驅車到藍田平田邨大孖的寓所,而 蔡思貝 更使用男友麥秋成的紅色座駕去偷歡!翌日大孖買外賣餵飽蔡思貝,期間發現記者即急腳衝入樓,玩足18小時後離開時,大孖call救兵,由二人變四人,扮非二人獨處一室!

有景轟!思貝拒回應

本刊記者問到周志文公屋過夜一事, 蔡思貝 一聽大孖個名,立即不停耍手擰頭笑住話:「唔答喇!唔好意思!唔答喇!」然後火速關上車門離開。周志文:對佢有好感

周志文受訪聲稱現時單身,直認蔡思貝曾到其寓所過夜,又表示對她有好感!周:周志文 記:本刊記者
記:聽講最近你同蔡思貝行得好埋?
周:我哋係好好朋友!
記:成日單獨約會喎?
周:我哋成班朋友成日見面!
記:上個星期蔡思貝去咗你屋企過夜喎!
周:上個星期?有一大班朋友過咗嚟我屋企!
記:上去咁多粒鐘搞咩?
周:Jam歌!作咗歌想朋友俾啲意見!
記:驚唔驚蔡思貝男友麥秋成唔鍾意?
周:朋友見面ok嘅,我細佬同羅孝勇都係度!
記:依家有無拍拖?
周:都想搵個伴嘅!
記:對蔡思貝有無好感?
周:有,對佢有好感,有好感先做到朋友!

Comments

comments