真係估唔到王君馨咁有經歷….

藝人王君馨（Grace）最近憑無綫熱播劇集《城寨英雄》「花曼」一角備受觀眾讚賞，而昨晚播出的一集中，她更以超激罕性感裸背上陣，露出白滑靚背，極度 吸睛！之後她又身穿谷胸束衣加吊帶襪大跳艷舞，以「趷籮」、「腿張開」等噴血招式令劇迷暈曬大浪！今日她在將軍澳出席《城寨英雄》之「比武招親擂台」活動 後，便到附近商場稍事休息，期間亦試一試自己的人氣，不少途人路過都秒速認出Grace，不但不斷叫喊她劇中角色名「花曼」，更上前集郵求合照，極受歡 迎。而曾為劇集練出20.5吋終極纖腰的她，亦終於可以趁機大解放喪食雪糕，過足口癮。

王君馨（左）2007年選港姐拎咗亞軍。

冇錢交租

Grace憑亮眼表現獲 網民盛讚「又睇得又打得」，其中更有人問「點解佢捱咁耐先彈起」。原來Grace的最初演藝路途亦與其角色「花曼」一樣坎坷，雖然四歲移民紐約的她出身富 貴，父親經營壽山石生意，石仔細細卻可以賣過千萬，但她自2007年回港參選香港小姐並贏得亞軍後，便拋低千金小姐身份，毅然留港發展。曾以為銀色旅途可 以順風順水的她，最初就只靠港姐合約不超過一萬蚊港元的人工支撐生活，但香港寸金尺土，只是居住租金就已經要萬二蚊，遠高於她薪金本身，她直言：「我真係 諗過我係咪要瞓街！」而即使現在開始彈起，與無綫簽包薪合約的她每個月亦大約只賺萬餘元。

一露成熱話。

入行九年，面對各樣高低起跌，Grace坦言曾 一度諗過放棄：「曾經有人話我演技好浮誇，嗰時好想返美國，但簽咗合約唔可以一走了之，所以搞到有抑鬱同暴食症。」幸好好友趙希洛和周家蔚帶她到教會，使 她可以重新建立自信：「做戲都冇咁誇、踏實番。」她又表示信教後，在教會中認識到一位教友，後來更成為了自己的契媽：「佢喺我最困難時候收留我，畀我喺佢 度住，解決我一切經濟問題。」但最可惜的是，對方已經與世長辭，未可及時報答對方。

拍性感戲前有祈禱

終於可以贏得觀眾欣賞的她，被問有否想過以性感演出勇闖影壇，她直指性感演出只局限於角色需要：「即使拍電影都係角色有需要先會露，而今次露背已經係我底線。（你信教，拍嗰時心情有忐忑？）拍之前我都有祈禱，要準備好先衝破到心理關口。」

出完活動，四圍逛逛測試一人氣。

現年30歲的王君馨名副其實是「白富美」，4歲移居美國紐約，父親經營壽山石生 意，2007年舉家搬到Long Island（長島）價值逾千萬港元的豪宅。王君馨自小已非常獨立，志願是當Hip Hop歌手，在美國麻省Babson College攻讀企業管理三年級時，已跟好友組成Hip Hop組合「Seven Xpress」，每次演出均以熱褲、黑絲等打扮現身。

演技咁好，梗係多人認得出啦！

王君馨人生首次選美是2007年參加全美華埠小姐奪亞軍，有指其提名人翁玉蘭在紐約華人社區非常出名，曾提名葉璇參加華裔小姐並奪冠。王君馨同年轉戰港姐 獲亞軍後，再出戰國際小姐奪友誼小姐獎及打入15強。她入行九年參演逾廿部劇，但最為人津津樂道是2012年發表「處女論」，堅持要把初夜留給丈夫，後又 曾表示與男友去旅行亦不會同房。

傾得好開心，睇嚟街坊都好鍾意君馨！

小朋友都Like！

自拍不能少。

捱得咁辛苦，食番好嘢慶祝嚇啦！

之前搞到受傷，好慘架！

来源：thegreatdaily