藝人張繼聰同謝安琪結婚多年，育有一名仔仔。近日盛傳太太再度懷孕，又宣布暫時停工，變相張繼聰需一人擔起晒成頭家！

唔知係咪個擔子太重嘅關系，張繼聰傳出疑似中途轉「基」，同失戀大隻男方力申搭上！佢哋公然喺社交網上載HeHe合照，兩人齊齊坐喺支大炮上面，方力申好小鳥伊人咁依靠住張繼聰，而張繼聰就情深望實方力申，基味甚濃！張繼聰留言：「真愛，無堅不『摧』！本週（周）四，一齊拗斷！」而方力申就留言話：「又同兄弟一齊拍戲喇，正！係咁嘅，嗱，依家我地（哋）兩個都係大隻仔啦，咁大家話如果我地（哋）開一套『Broke Back Canon』 （斷砲台），你地（哋）覺得有冇得諗呢？」哦…！原來只係開工啫，差啲喊親班女粉絲喇！

来源：东网