《純熟意外》開始進入高潮位,除了早前吳啟華自爆其角色喬文傑係700幾歲嘅不死人之外,大家亦好關心到底文傑同殷然(蔡思貝)係咩關係!昨晚十五集講到殷然暫時失去視力後,期間險遇車禍,幸有人出手相救,而然以為對方係文傑(吳啟華),其後更大膽向傑表白,指失去視力期間,原來文傑對佢來說十分重要!不過,傑看來大感愕然,而傑後來更回憶跟大肚亡妻莊穎兒(李施嬅)昔日美好時光,令人聯想到,一向極之關心殷然嘅文傑,唔通就係殷然爸爸!?
然以為剛剛係傑救佢一命,即捉實傑手說多謝,又以患弱視嘅藝術家田靈(陳華鑫)畫有顏色畫作譬喻,指因為顏色代表喜歡感覺,只要見到鍾意的人就會見到顏色,而然遇車禍後見一紅色影子,就認定救佢嘅一定係傑!不過,傑根本唔知發生咩事,大感愕然,然又說當失去視力時,反而會用心去睇去感受周圍人同事,如果唔係咁,就唔知傑對佢係咁重要!
傑突然感慨起來,更詩興大發,說出唐代詩人劉禹錫嘅作品《泰娘歌》中「舉目風煙非舊時,夢尋歸路多參差」,對亡妻莊穎兒依然念念不忘,更回憶跟對方昔日美好日子!當年傑帶腹大便便嘅亡妻出外睇風景,又跟對方解說景物特色及由來,講完後太太大讚傑「好叻喎,歷史博士」,活咗七百幾年,梗係熟歷史啦!
言愛(女神孫慧雪)跟卓翹(楊潮凱)約會,卓翹表示要為雜誌影相,要求愛充當model,愛本來對翹有意思,當然應承!之後翹為打聽愛身世,叫愛說出自己背景,期間愛表示自幼無父無母,一直只有殷然這個好朋友,雖然想然跟文傑有好結果,但又怕之後只剩佢一個,熱淚盈眶表示唔想再有被遺棄感覺,卓翹被言愛嘅說話感動,突然生憐憫之情,跟愛吻了起來!不過,身為記者嘅卓翹並非真心,只想從言愛身上套取秘密!
来源:东方新天地
CIMB已于4月30日关闭全马6个地方的ATM,常去这里的用户需要换去其他地方啦!
日本东京近几个月出现超特别“公厕旅游团”,只因这3个原因,游客愿付RM150来参观Public Toilet!
WhatsApp为Group Chat推出新功能,用户可以在群聊中创建新活动,其他人可以只在活动信息框中回复信息!
感谢善举!大马网红兼YouTuber Charles发起街头挑战,【按多少给多少/完成心愿】,豪送现金和手机给外劳!