【on.cc東網專訊】 美國流行樂壇天后Taylor Swift今個月初畀DJ男友Calvin Harris狠飛，「傷心」兩星期嘅佢已重新振作，本周二Taylor被影到與憑超級英雄角色邪神「洛基」（Loki）一角而上位嘅英國男神湯赫度斯頓（Tom Hiddleston）在美國紐約羅德島沙灘拍拖，天后新戀情隨即曝光！現年26歲嘅Taylor與35歲嘅湯被影到手拖手行沙灘之餘，二人更被影到坐在礁石上咀嘴及自拍，而湯更盡顯英式紳士風度，除下外套畀女友保暖。

天后邪神戀曝光後，好多fans都有在社交網上留言，有fans表示Taylor與湯拍拖而感興奮，亦有fans表示估唔到佢哋會成為一對，不過亦有網友寸Taylor失戀冇耐即有第二個男友：「Taylor Swift振作得快過微波爐『Ding』一聲，真係好快！」另亦有網友表明唔想佢哋拍拖，更有網友表示唔睇好二人嘅戀情會長久。

湯赫度斯頓拖實女友Taylor行沙灘，好浪漫呀！

湯除下外套為女友穿上，好gentleman呀！

二人坐在礁石上擁抱，好Sweet呀！

Taylor揸手機自拍晒恩愛。

Taylor從後擁抱男友落石，好危險呀！

洛基：「雷神，以後唔使你攬我喇！」（設計對白）

来源：hk.on.cc