現年32歲嘅陳妍希同28歲內地藝人陳曉，因合作拍電視劇《神雕俠侶》撻着，婚期一直盛傳會喺今年舉行，由於妍希BB一直夢想擁有夏日婚禮，兩人幾經商議下，婚期定於7月19日喺北京舉行婚禮，21日再返台北舉行歸寧宴。

還有一個月就到婚期，二人籌備婚禮亦進行得如火如荼，噚日，妍希BB嘅婚紗照終於曝光，佢同陳曉日前幫台灣雜誌拍攝婚紗照，而妍希BB嘅婚紗款式更一反傳統，着上Bra Top露腰魚尾婚紗嘅佢，簡潔之餘亦盡現性感，至於另一套晩禮服，就以黑色厘士襯碎花為主。拍攝期間，妍希BB同陳曉不時放閃晒恩愛，陳曉全程情深望實未來老婆仔，而妍希BB亦禮尚往來，不時甜笑攬實對方，未結婚已經甜到漏！

来源：苹果日报，fb