《殭》昨晚劇情高潮位除了夢南(謝安琪)於夢瑤(陳凱琳)前變身殭屍之外，有網民發現活著(鄭嘉穎)於雨中為夢南遮風擋雨時，下體驚現異物疑似露丁，即成熱話！

狠還定情物

提到夢南為跟活著真真正正斷絕來往，於是將餐碟定情信物還番俾活著，最後更喺牆上用唇膏畫公仔就離開，情節傷感。活著之後睇見牆上圖畫，亦感受到夢南傷痛，頓生不捨之情！

夢南未能忘記情傷，邊流淚邊留下印記。

南為救瑤變殭屍

之後，夢南為夢瑤慶祝大學畢業，突然有班飛虎隊員闖入，令眾人大吃一驚。當警員將匪徒擊倒後，殭屍可能聞到血腥味，撲入來更將警員殺死。

瑤大驚避南

期間殭屍襲擊夢瑤，C君(陸永)同何年(黃又南)挺身而出惜戰敗，為救夢瑤，夢南將人血沾入嘴中即變成殭屍！夢瑤見夢南變成殭屍，因童年陰影而驚恐萬分，唔敢接近對方！

夢南傷心之下無奈離開，請活著代為照顧夢瑤。活著送哨子俾夢瑤，表示若吹響哨子佢即現身！咦，咁似十幾年前，劇集《十月初五的月光》初哥哥吹俏子條橋喎！

初哥哥應該覺得好安慰！

南極度傷心

夢南出走後無家可歸，於雨中悲痛欲絕！活著用傘為其遮風擋雨，並開解對方。

下體有異物？

呢個時候，有網民發現嘉穎條褲拉鏈位露出異物吊吊揈，有人驚自己眼花，於是重睇，發覺真係有啲嘢，咁到底係乜呢！對此網民議論紛紛！

哈哈，有網民笑言係走光，其他開玩笑說「熱到出嚟抖氣」、「好細條」，甚至「細唔可怕，夠用就好」等，認真搞笑！

當然，亦有網民認為嘉穎若走光，冇可能冇感覺，可能只係褲頭繩而已！

真相係…

其實嘉穎之前着同一條褲出席宣傳活動，拉鏈位嘅異物咪就係褲頭繩！

来源：东方新地