太陽娛樂老闆周焯華(洗米華)同Mandy Lieu成日飛嚟飛去密密見，傳有咗第二胎嘅Mandy之前輪流飛完泰國、日本、韓國，又玩泰式按摩又滑雪，又熱又凍，中間仲走咗轉去拉斯維加斯陪傾生意兼過生日，身體底子真係有返咁上下。

今日就有報導影到佢同洗米華喺倫敦合體，就話佢哋月中現身倫敦名店街，兩個人又係一身黑造型打扮，已有8個月B嘅Mandy喺相中都見到個肚有微隆，終於有肚見啦，期間二人拖到實，佢哋專行賣BB衫舖頭，仲話揀好多藍色棉質外套衣物。報導中仲話Mandy今胎應該下個月生，都會揀返上次生大女周願嗰間貴價醫院The Portland Hospital生，又會係以生水中分娩生喎。若然Mandy Lieu呢胎生仔，加埋大女，可算係兩年抱兩，湊夠「好」字。

《蘋果》就搵過Mandy經理人，佢就話唔回應佢嘅私生活。之前，已經講過佢呢胎生仔，仲講到生完後，Mandy會帶埋兩個小朋友，會喺7月回歸香港，更有指會鎖定搬去南區獨立屋，同洗米華組織新家庭。

又傳Mandy就快生，話已有8個月身紀嘅佢下個月會喺倫敦生。

之前二月，洗米華先同Mandy帶埋大女去泰國過年。

當時Mandy已有身孕，抱起大女都未算見肚，但胸就豐滿咗少少。

Mandy留喺倫敦安胎，輪到洗米華去當地陪佢。

去年12月世紀一拖，洗米華揀離婚同Mandy一齊。

有指Mandy會揀返生大女嗰間貴價醫院The Portland Hospital生。

来源：苹果日报