賭王何鴻燊三房淑女、有「至索千金」之稱的何超蓮，與台灣歌手吳克群去年分手結束四年情，隨即引來城中一眾公子哥兒力追，包括霍啟山和內地富二代劉根森等，連家姐超雲都笑佢花多眼亂！

點知原來成功追得美人歸嘅，並唔係甚麼富二代，而係台灣型男柯震東？

究竟咩事>

話說柯震東2014年時因吸毒形象盡毀，幸李毓芬一直不離不棄，二人雖然未有承認戀情，不過已經係公開的一對。但日前有報道指，柯震東逐漸恢復演藝工作後，二人聚少離多，女方亦難頂男方夜蒲成癮，最終分手！

柯震東分手後經常同好兄弟房祖名買醉治情傷，亦同時結識超蓮。本月10日凌晨，柯震東被影到現身台北一家KTV，同行仲有一男一女，而個女仔正正就係超蓮。而眾人入電梯時，柯震東竟然一把捉住超蓮手臂，然後親密地攬實超蓮！唔通二人真係打得火熱？

俾人影到晒，唔怪得李毓芬就算分手後都一樣咁嬲豬！下頁睇吓超蓮BB點回應先！

超蓮否認拍拖…

超蓮日前接受訪問時，強調同柯震東從來都冇單獨約會過，兩人只係普通朋友。超蓮表示佢哋都係識咗半年左右，係一大班朋友出嚟玩時認識，而每次見面都係有一班朋友同場。

對於報道指李毓芬呷醋，超蓮就話唔會回應咁多，總之現時自己係單身，係認真工作的階段，拍拖與否就隨緣。

咁柯震東攬實超蓮到底係咩事？超蓮解釋當時一大班人唱K飲嘢，人人兩杯落肚，所以行入電梯時候柯震東有風度地扶一扶佢。超蓮話普通朋友又唔係過份親密，只係正常社交，仲叫大家唔好諗咁多！

全文完
来源：东方新地